Калі я пабачу цябе ў труне,
У цёмнай сцюдзёнай магіле,
Няхай яна і мяне прыгарне,
Каб холад і змрок нас злучылі.
Цябе пацалую, мацней абдыму,
Каханку маю ледзяную,
І стане так радасна сэрцу майму,
І сам навечна засну я.
Мёртвыя ўстануць, як прыйдзе час,
Закружаць у прывідным коле,
Але з труны не падымуць нас
І нас не разлучаць ніколі.
Мёртвыя ўстануць, Апошні Суд
Пакліча да шчасця ці мукі,
А нас не турбуе нічога тут,
І нашыя сплецены рукі.
пераклад з нямецкай