Паліна Качаткова (Сцепаненка) – празаік, даследчык творчасці Максіма Багдановіча, нарадзілася 26 лютага 1968 г. у г. Орша; скончыла беларускае аддзяленне філагічнага факультэта БДУ, з 1990 па 1998 год працавала ў Літаратураным музеі Максіма Багдановіча ў Мінску, падчас працы ў музеі далучалася да праваабрончай ініцыятывы "Вясна-96”. У жніўня 1998 года звольнілася з музея і перайшла на сталую працу ў Праваабарончы цэнтр "Вясна”. Аўтар сцэнарыяў дакументальных фільмаў "Гастарбайтар” (2008), "Сыс пра Сыса” (2010), "Пустазелле” (2011), "Прычына смерці – прочарк” (2011) і "Убыл по приговору” (2012) – пра праблему смяротнага пакарання ў Беларусі, "Людвіка” (2013). Аўтар аповесці "Паэт. Аповесць пра Максіма Багдановіча” пра юнацкія гады М.Багдановіча. Аўтар зборнікаў навэлаў "Начныя размовы” і "Матылі". З апошнім у 2013 годзе патрапіла ў лонг-ліст прэміі імя Ежы Гедройца.
