Сяргей Дубавец нарадзіўся 17 верасня 1959 у Мазыры. Беларускі журналіст і літаратар. Скончыў факультэт журналістыкі БДУ.
Працаваў у выдавецтве БелСЭ, газеце «Гомельская праўда», нелегальным друку. Рэдактар аддзелу крытыкі часопіса «Нёман» (1987–1990), галоўны рэдактар газет «Наша Ніва» (1991–2000) і «Свабода» (2004–2008), радыё «Балтыйскія хвалі» (2000–2001), аўтар штотыднёвае перадачы «Вострая Брама» на радыё «Свабода» (з 1997).
Аўтар шэрагу кніг. Узнагароджаны медалём Літвы «За адвагу» і прэміяй Беларускага ПЭН-Цэнтру.
