Нарадзілася ў горадзе Вілейка. Там і пражыла першыя 16 год свайго жыцця. Наступныя пяць год вучылася эканоміцы ў Мінску, скончыла "Наргас". Доўгі час працавала журналістам. У 2012 годзе звольнілася і выдала сваю першую кнігу "Птушкі".
Кажа, што сюжэты для творчасці падказвае ёй уласнае жыццё, таму прыдумляць нічога не трэба. Усе ейныя творы ў той ці іншай ступені аўтабіяграфічныя, нават калі напісанае насамрэч ніколі не адбывалася.
